களவு
களவிற்கு உரிய கிளவித்தொகை
களவு என்னும் மறைமுகக்
காதல் ஒழுக்கத்தை விரிவாக விளக்கும் இயல் களவியல் ஆகும். அவ்வியலில் இடம்பெறும் செய்திகளை
ஒருங்கு தொகுத்து ஒரு நூற்பாவில் உணர்த்தியுள்ளார் நாற்கவிராசநம்பி. அதுவே “களவிற்கு
உரிய கிளவித்தொகை” எனப்படுகிறது. (கிளவி - கூற்று) அந்நூற்பாவில் பதினேழு வகைப்பட்ட
கிளவிகளைக் குறிப்பிட்டுள்ளார். அவையாவன:
- இயற்கைப்புணர்ச்சி
- வன்புறை
- தெளிவு
- பிரிவுழி மகிழ்ச்சி
- பிரிவுழிக் கலங்கல்
- இடந்தலைப்பாடு
- பாங்கன் கூட்டம்
- பாங்கிமதி உடம்பாடு
- பாங்கியிற் கூட்டம்
- பகற்குறி
- பகற்குறி இடையீடு
- இரவுக்குறி
- இரவுக்குறி இடையீடு
- வரைதல் வேட்கை
- வரைவு கடாதல்
- ஒருவழித் தணத்தல்
- வரைவு இடை வைத்துப் பொருள்வயின் பிரிதல்
